Assalamu’alaikum
Wr. Wb
Ingkang kula urmati
Bapak Kavinji Kepala Sekolah SMP N 1 Baturetno,
Ingkang kula urmati Bapak/Ibu Guru SMP N
1 Batureno,
Bapak/Ibu Wali murid ugi ingkang kula
aosi,
Kadang siswa kelas 7,8, lan 9 ingkang
kula tresnani.
Langkung rumiyin sumangga kula
dherekaken ngaturaken puji syukur wonten ngarsanipun Allah SWT ingkang sampun
maringi pinten-pinten kenikmatan dhumateng kita sedaya, sahingga kita saget
makempal wonten palepasanipun kadang siswa kelas 9 SMP Negeri 1 Baturetno
kanthi mboten wonten pambengan setunggal punapa.
Wekdal punika keparenga kula matur
makili rencang-rencang kelas 9 ingkang sekedap malih badhe ninggalaken bangku
sekolah SMP Negeri 1 Baturetno. Kula ngaturaken panuwun dhumateng Bapak/Ibu
Guru ingkang sampun mbimbing, maringi kathah wewarah Ilmu Pengetahuan
salaminipun tigang taun kanthi sabar lan tlatos. Salajenganipun, ugi matur
suwun sanget dhumateng Bapak/Ibu Wali Murid ingkang sampun makarya supados
pangupa jiwa supaya kita siswa-siswi kelas 9 saget nglajengaken pados seserepan
babagan Ilmu.
Ingkang kaping kalih, mesti kemawon
kita siswa-siswi kelas 9 kathah kalepatan ingkang dipun sengaja utawi mboten
sengaja, kula atas nami wakil kelas 9 nyuwun pangapunten ingkang
saageng-agengipun. Ugi dhumateng Bapak/Ibu Wali Murid mbok bilih wonten
klentunipun anggen kula solah bawa kula ngaturaken pangapunten. Mboten kesupen
dhumateng adik-adik kelas 7 lan 8 menawi wonten kalepatan sak dhangunipun
tigang taun ngudi kawruh wonten ing SMP Negeri 1 Baturetno kula nyuwun
pangapunten.
Kaping tigonipun, kula lan
rencang-rencang kelas 9 nyuwun pamit, donga lan palilahanipun dhumateng
Bapak/Ibu Guru ingkang salaminipun tigang taun dipun gula wenthah, ugi
Bapak/Ibu wali murid, sarta adik-adik kelas 7 lan 8 supados saget nglajengaken
ing pawiyatan sak lajengipun.
Ingkang pungkasanipun, kula pesen
dhumateng adik-adik kelas 7 lan 8
ingkang sregep ngudi Ilmu ing pawiyatan SMP Negeri 1 Baturetno. Mugi-mugi saget
dhamel kuncaranipun SMP Negeri 1 Baturetno ing saindenging bawana.
Mekaten ingkang saget kula aturaken,
Jenang Selo wader kalen sesondheran apuranta menawi lepat nyuwun pangapura.
Waduk Gajah Mungkur Wonogiri, menawi wonten kaladuking atur kula nyuwun
pangkasami.
Wassalamu’alaikum Wr. Wb
